venerdì 22 agosto 2014

Norghiddo. Graduatòria provisòria borsas de istùdiu.





Comune de Norghiddo 
Provìntzia de Aristanis

Sunt istadas publicadas sas graduatòrias provisòrias de sas borsas de istùdiu pro mèritu iscolàsticu, pro sos istudente de s’iscola segundàriu de II gradu. Annu iscolàsticu 2013/2014.





Comune de Norghiddo. Nova



 
                                         Iscola de Paesologia.


Sighint sos atòbios de s'Iscola Natzionale de Paesologia cun sa ghia de su poete e paesologo Franco Arminio paris cun su sòtziu Borghi Autentici d'Italia: dae lunis 1 de cabudanni a mèrcuris 3. s'atòbiu at a èssere in Bòrore, in provìntzia de Nùgoro.
S'Iscola de Paesologia est un'atividade chi si faghet a s'abertu, in foras, est un'esploratzione duncas si partit dae su tzentru de su burgu pro visitare su chi b'at a fùrriu. B'at momentos in ue si visitant sos logos ma bind’at finas àteros in ue, sos chi leant parte presentant sos testos chi ant iscritu subra de sos logos osservados.
Su sensu de custa iscola est chi s'osservatzione de su territòriu e de su burgu siat prus simple e atenta. Pro carchi die s'iscola produit comunidades minudas e provisòrias. Sas miradas de gente dae totu Itàlia si misturant cun cussa de sos chi in cussos logos b'istant. S'Iscola de Paesologia naschet dae s'amore pro sos logos de s'Itàlia interna pro ite fintzas in una biddighedda est possìbile chi bi siat una vida manna.
Pro chi s'Iscola de Paesologia bi siat, bi devent èssere nessi 15 chi leent parte e fatant s'iscritzione intro de domìniga 24 de austu, si previdint unu màssimu  de 25 iscritos.
Su costu de iscritzione est de 50 €, cun custa tzifra non sunt ammuntadas sas ispesas de viàgiu, pernotamentos e màndigos chi ant a èssere a càrrigu de su partetzipante.

Pro s'iscrìere e pro informatziones: Cooperativa ESEDRA,  tel 0785 743044
mail: esedraescursioni@libero.it

giovedì 21 agosto 2014

Chimbe règulas pro lèghere. De Harold Bloom







Comuna de Abbasanta
Provìntzia de Aristanis
                                              
Bibliote Comunale




Ufìtziu limba sarda
L'Altra Cultura Coop
Comente si leghet unu libru:
sas chimbe règulas de Harold Bloom.

1.      Liberade sa mente dae su suspu.
Ite cheret nàrrere? Cheret nàrrere a nche la finire cun sos pregiudìtzios. Nos ant imparadu a tratare sos iscritores de giudu cun sovraistruturas chi non no los faghent apretziare a beru: pensamus a Dante, Shakespeare, Dostoevskji… Bois los connoschizis in antis de los lèghere! Comente? Emmo pro cussu chi giai lèghidu de issos in sos libros de literadura, pro su chi bos ant contadu sos professores, pro su chi ant iscritu de issos sos crìticos leteràrios… ma non pro sos libros issoro! Cando bos sezis postos a lèghere Shakespeare fizis giai prontos a lu bantare, azis lègidu Amleto connoschende giai s’interpretatzione. No non nde sapimus ma leghimus sos autores clàssicos ischende giai chi su libru est bellu, chi nos at a cambiare sa vida e no at pòdere èssere bidu in un’àtera manera ca mìgias e mìgias de letores in antis nostru l’ant valutadu in cussa manera. Custa est una faddonca manna. Cando leamus unu libru, Harold Bloom cussìgiat  de pònnere a banda totus sas sovraistruturas e de aumentare sa capatzidade nostra de anàlisi.

2.     Pro mesu de su chi leghes o de sa manera de lèghere non chirches de megiorare sa gente chi tenes a curtzu.
A lèghere diventas una mègius persone, ma non mègius rispetu a su mundu ma rispetu a su chi fias in antis. Chircare de “salvare” sos àteros impreende su chi si leghet est una faddonca, est difìtzile, costat fadiga e non batit resurtados. Pro ite? Ca sa letura est una cosa sugetiva, onniunu si devet sarvare dae se, si devet megiorare dae se, lòmpere a s’àtera ala cun sas pròpias fortzas. Sa letura tenet unu sensu in custa manera ebbia. A lèghere pro si bantare de àere connoschèntzias non dat resurtados.  

3.     Devides èssere letores “egoistas”.
A èssere egoistas cando si leghet no est unu difetu. Chie leghet non devet crèere de èssere mègius de àtere, nen pensare de nde ischire de prus, tocat a tènnere una visione arta de sas cosas: est comente de àere unu lughinzu mantesu biu dae totu s’amore e su disìgiu de s’umanidade, si leghet sighende unu lughinzu chi tenimus a intro, in pagas paràulas sighide s’istintu bostru de letores mudende e giompende sos ischemas fissados, marcade su caminu bostru de letores sena bos pistighingiare de sas cunseguèntzias. Devides èssere egoistas e seberare semper su mègius pro a bois, seberade su chi si cumbinat cun sa natura bostra e non su chi bos narant chi devides lèghere: si diventades letores beros, sena fàghere nudda azis a diventare una lughe finas pro sos àteros.

4.      Pro lèghere bene tocat de èssere inventores.
Ite cheret nàrrere èssere inventores? No esistint cànones estèticos assolutos. Si pro un’autore, si cheret leare positzione ideològica tocat de lu connòschere bene.  Harold Bloom chistionat de “letura creativa” tzitende Emerson. Cando leghimus, non podimus leare pro bonu cale si siat cosa nos narant, sa mente s’isvilupat si est istimulada, si su libru chi semus leghende est fatu pro nois lu cumprendimus dae su fatu chi nos faghet partètzipes fintzas a su puntu de nos fàghere “creare”. Fraigamus una visione nostra, nois puru diventamus crìticos leteràrios e amus un’opinione nostra. Si pro contare de unu libru repetimus totu pari pari tando non semus leghende bene.

5.     Impreade s’ironia.
It’est s’ironia? In literadura est una figura retòrica in ue b’at un’incongruidade o una cunnessione involontària cun su beru, est una variatzione de su sensu comune. Unu bravu letore est irònicu. Sena ironia non si podent bìere cussos aspetos cuados e sa natura bera de s’autore , sena ironia si addurat presoneris de sas ideas precostituidas. S’ironia permitit de atzetare ideas contràrias s’una a s’àtera, permitit de isvilupare unu sensu crìticu chi nos lìberat dae su “suspu acadèmicu” e dae sas ideologias a manera de fàghere allùghere su lughìngiu nostru chi tenimus a intro. Como torrade a pensare a comente leghides e pensade a sas chimbe règulas de Harold Bloom, azis a cumprèndere comente narat su crìticu chi:
“pro lèghere sos sentimentos de sos òmines in limbàgiu de òmines, tocat a ischire lèghere cun umanidade e cun totu su pròpiu èssere”.


Bortadu dae:http://miconoscodivista.wordpress.com/2013/06/09/come-si-legge-un-libro-le-cinque-regole-di-harold-bloom/

Abbasanta, variatzione oràriu ufìtziu de sos tributos.


Comune de Abbasanta
Provìntzia de Aristanis 


S'informat chi s'oràriu de s'ufìtziu de sos tributos dae su 7 de austu at mudadu, s'ufìtziu est abertu a sa gente:
  • giòbia  sera 15.30 -17.30
  • chenàbura mangianu 11.00 - 13.00       


Regorta de s'ozu chi non balet prus.



In sos Comunes de su Guilcer, dae su mese coladu, est partida sa regorta de sos ozos chi non servint prus.



Comente cunferire s'ozu?
 . Lassende foras, in sa die de regorta, in dae in antis de  domo s'istèrgiu pro sa regorta cun a intro s'ozu chi at a èssere isbagantadu dae sos operadores de su COSIR.
 . Lassende foras, in sa die de regorta, in dae in antis de  domo s'ozu in ampullas de plàstica bene tupadas.

Cale casta de ozos?
 - Cussos vegetales, de tonno de màndigos collidos in ozu, cussu impreadu pro frìere, grassos de cotura.
 - Sos ozos de veturas nono.
  
Dies de regorta de s'ozu:




Lunis 28 de trìulas

Giòbia 11 de cabudanni 

Giòbia 13 de santugaine
 

venerdì 8 agosto 2014


Comune de Abbasanta 
Provìntzia de Aristanis.


AVISU     

Giòbia 21 de austu, in sa biblioteca comunale dae sas 4.00 de sero a sas 5,30 b'at unu laboratòriu de letura animada in limba cun s'operadora de s'ufìtziu de limba sarda.


Su laboratòriu est pro totus sos pitzinnos dae sos 6 a sos 10 annos.




Bos ispetamus in medas!!!





Norghiddo. Contributos a sos Sòtzios de sa bidda.

COMUNE DE NORGHIDDO 
Provìntzia de Aristanis 


Bandu pro contributos - annu 2013 -  a sos Sòtzios de sa bidda, iscritos a s’Albu Comunale.


 Su responsàbile de su Setore I

Faghet ischire chi:


  • Sos rapresentantes legales de sos Sòtzios interessados podent presentare dimanda de finantziamentu intro de su 22 de Austu 2014, s’at a leare a cussidèriu su timbru postale cun sa data de ispeditzione. Sas dimandas ispedidas a pustis de custa data ant a èssere esclusas.
  • S’ant a leare a cussidèriu ebbia sas dimandas presentadas dae sos Sòtzios iscritos a s’Albu Comunale. Sos Sòtzios chi in s’Albu sunt iscritos a prus setores, podent presentare dimanda de contributu pro unu setore ebbia. Sas dimandas devent èssere ispedidas cun racumandada A/R, pena s’esclusione, si devent impreare sos mòdulos ammaniados dae s’Amministratzione Comunale chi devent èssere curredados dae sa documentatzione rechesta. In foras dae su plicu si devent inditare su mitente, su Cumpartu e su Setore de atividade pro sa cale si dimandat su contributu. Pro su rendicontu est ammìtida sa documentatzione fiscale idònea  cun totus sos paperis chi provant sas ispesas. Sos paperis devent èssere partzidos pro manifestatziones e devent èssere relativos ebbia a su 2013. Sa documentatzione chi pertocat àteras annualidades, no at èssere leada a cussidèriu.
  • Est vietadu s’impreu de documentatzione de ispesa ligada a su rendicontu comunale, pro àteras rendicontatziones de presentare a sugetos finantziadores diferentes.
  • B’est su divietu de allegare a su rendicontu de su contributu comunale, finas suta de s’indicatzione autofinantziamentu, cale si siat documentatzione chi pertocat ispesas finantziadas dae àteros entes diversos dae su Comune.
  • Pro èssere ammìtidos a su finantziamentu annuale si devet rendicontare s’ùrtimu contributu leadu, cun sa cuota de autofinantziamentu chi non podet èssere de mancu de su 30%, pena s’esclusione.  

 Iscadèntzia su 22 de Austu 2014.