Sa Càmera de Cummèrtziu de Aristanis, paris cun sa Provìntzia de Aristanis (Ufìtziu de sa limba e de sa cultura sarda) est ammaniende un'initziativa de importu mannu: su cursu de formatzione in limba sarda, de badas, pro impresas e dipendentes de s'amministratzione pùblica. Est una manera pro sensibilizare fintzas sas impresas a s'impreu de su sardu.
Su cursu est de 30 oras e comintzat s'11 de cabudanni, s'ant a tratare: s'alfabetizatzione de base, sa promotzione de sos produtos, su marketing; su deretu de traballu; s'economia locale e sa retza in Sardigna.
A s'acabu est prevìdidu s'atestadu pro chie sighit nessi su 70% de sas letziones e unu sinnu de mustrare in sos pùblicos esertzìtzios dende a custas impresas sa possibilidade de èssere inseridas a intro de una campagna de promotzione dae parte de sa Càmera de cummèrtziu matessi.
Leghe sa nova in italianu in su situ de sa Càmera de cummèrtziu de Aristanis, in ue podes iscarrigare su bandu cumpletu, su calendàriu de sas letziones e sos mòdulos pro s'iscrìere.
Nessun commento:
Posta un commento