Apuntamentu in Mògoru, chenàbura 14 de santandria

Chenàbura sero, a sas 5.00, in Mògoru -sala de is cunvegnos de sa Fiera de su Tapissu - b'at a èssere una cunferèntzia- dibàtitu, s'argumentu at a èssere: 

ISCRÌERE IN SARDU 

Règulas de iscritura e inditos pro lèghere sa Limba Sarda Comuna a sa Mogoresa.

Leant parte:

• Su sìndigu de sa bidda, Sandro Broccia cun sos saludos e s'introduida 
• Antonio Ignzio Garau - responsàbile de su Servìtziu linguìsticu subracomunale. 

Sa L.S.C.: un'istandard cobertura pro is impreos iscritos de su mogoresu e de totu su sardu.

• Stefano Cherchi, dotori de maistraxu in didàtica de su sardu.

Poita non fait a impreai in sa scridura unu standard ùnicu de sardu a pronùntzia diferenti.

No sias isciau

O sardu, si ses sardu e si ses bonu, 
Semper sa limba tua apas presente: 
No sias che isciau ubbidiente 
Faeddende sa limba 'e su padronu. 

Sa nassione chi peldet su donu 
De sa limba iscumparit lentamente, 
Massimu si che l'essit dae mente 
In iscritura che in arrejonu. 

Sa limba 'e babbos e de jajos nostros 
No l'usades pius nemmancu in domo 
Prite pobera e ruza la creides. 

Si a iscola no che la jughides 
Po la difunder menzus, dae como 
Sezis dissardizende a fizos bostros 


Remundu Piras, su 29 de Santu Aine de su 1977